കണ്ണൂര്‍: യു.ജി, പി.ജി പരീക്ഷകള്‍ നീട്ടിവയ്ക്കണമെന്നും വിദ്യാര്‍ഥികളുടെ ആശങ്കകള്‍ പരിഹരിക്കണമെന്നും ആവശ്യപ്പെട്ടു എസ്.എഫ്.ഐ, എം.എസ്.എഫ് ജില്ലാ കമ്മിറ്റികളുടെ നേതൃത്വത്തില്‍ കണ്ണൂര്‍ സര്‍വകലാശാലാ ആസ്ഥാനത്തേക്ക് മാര്‍ച്ച് നടത്തി. എസ്.എഫ്.ഐ മാര്‍ച്ച് എം. വിജിന്‍ ഉദ്ഘാടനം ചെയ്തു.
ഷിബിന്‍ കാനായി അധ്യക്ഷനായി. എ.പി അന്‍വീര്‍, സി.പി ഷിജു, ദിഷ്ണപ്രസാദ്, ടി.വി.എം ഷീമ, ഇ.കെ ദൃശ്യ, കെ. ശ്രീജിത്ത്, കെ.പി ഷൈന്‍ സംസാരിച്ചു.
എം.എസ്.എഫ് ജില്ലാ കമ്മിറ്റി സര്‍വകലാശാല ആസ്ഥാനം ഉപരോധിച്ചു. പ്രവര്‍ത്തകരെ പൊലിസ് അറസ്റ്റ് ചെയ്തു നീക്കി. ജില്ലാ ജനറല്‍ സെക്രട്ടറി ഷജീര്‍ ഇഖ്ബാല്‍ ഉദ്ഘാടനം ചെയ്തു. ഇജാസ് ആറളം അധ്യക്ഷനായി. ഷഹബാസ് കയ്യത്ത്, അസ്‌ലം പാറേത്, ഷമീല്‍ ഇരിട്ടി, ബാസിത് മാണിയൂര്‍, ഫായിസ് വാരം, അദ്‌നാന്‍ തെക്കുമ്പാട് സംസാരിച്ചു.