തിരുവനന്തപുരം:  വിഴിഞ്ഞം കരാറില്‍ സി.എ.ജിയുടെ റിപ്പോര്‍ട്ടിനെത്തുടര്‍ന്ന് വിശദീകരണവുമായി മുന്‍ മുഖ്യമന്ത്രി ഉമ്മന്‍ചാണ്ടി രംഗത്ത്. കരാറിന്റെ അന്തിമ രൂപത്തില്‍ മാറ്റം വരുത്തിയിട്ടില്ലെന്നും അദാനിയെ വഴിവിട്ട് സഹായിച്ചിട്ടില്ലെന്നും ഉമ്മന്‍ചാണ്ടി പറഞ്ഞു.

കരാര്‍ കാലാവധി നീട്ടിയത് ഏകപക്ഷീയ തീരുമാനമല്ല. സി.എ.ജിയുടെ നോട്ടപ്പിശകായിട്ടുവേണം റിപ്പോര്‍ട്ടിനെ കാണാനെന്നും അദ്ദേഹം പറഞ്ഞു. അന്തിമ കരാര്‍ ഉണ്ടാക്കിയ ശേഷം ഒരു മാറ്റവും വരുത്തിയിട്ടില്ല. സി.എ.ജിയുടെ റിപ്പോര്‍ട്ടില്‍  പരിശോധന എത്രയും വേഗം പൂര്‍ത്തിയാക്കണം. യാഥാര്‍ത്ഥ്യങ്ങള്‍ പുറത്തു കൊണ്ടുവരണമെന്നും അദ്ദേഹം വാര്‍ത്താസമ്മേളനത്തില്‍ പറഞ്ഞു.