കൊടകര: എസ്.എന്‍.ഡി.പി യോഗം കൊടകര യുനിയന്‍ തങ്ങളുടെ അംഗങ്ങള്‍ക്കായി കലോത്സവം സംഘടിപ്പിക്കും. കൊടകര യൂണിയന്റെ പരിധിയില്‍പെട്ട ആളൂര്‍, കൊടകര, മറ്റത്തൂര്‍ പഞ്ചായത്തുകളിലെ 45 ശാഖകളില്‍ നിന്നുള്ള 600 ലേറെ മത്സരാര്‍ഥികള്‍ കലോത്സവത്തില്‍ മാറ്റുരക്കും.
ഗുരുദേവ ദര്‍ശനങ്ങള്‍ക്കും, കൃതികള്‍ക്കും കൂടുതല്‍ പ്രാധാന്യം നല്‍കിയാണ് കലോത്സവം നടത്തുന്നത്. മെയ് 26, 27, 28 തീയതികളില്‍ കൊടകര ജി.എല്‍.പി.എസില്‍ നാല് വേദികളിലായാണ്  നടത്തുന്നത്. 27 ന് രാവിലെ 9.30 ന് ചലച്ചിത്ര താരം ലിയോണ ലിഷോയ് ഉദ്ഘാടനം ചെയ്യും. കലോത്സവം കൊടകര യൂനിയന്‍ രക്ഷാധികാരി വി.സി പ്രഭാകരന്‍ അധ്യക്ഷനാകും. എസ്.എന്‍.ഡി.പി യോഗം അസിസ്റ്റന്റ്  സെക്രട്ടറി ബേബിറാം, വനിതാ സംഘം കേന്ദ്ര സമിതി സെക്രട്ടറി അഡ്വ. സംഗീത വിശ്വനാഥ്, യോഗം കൊടകര യൂനിയന്‍ പ്രസിഡന്റ് സുന്ദരന്‍ മൂത്തമ്പാടന്‍ എന്നിവര്‍ മുഖ്യാതിഥികളുമാവും. സമാപന സമ്മേളനം ഞായറാഴ്ച 3.30 ന് എസ്.എന്‍.ഡി.പി യോഗം ജനറല്‍ സെക്രട്ടറി വെള്ളാപ്പിള്ളി നടേശന്‍ ഉദ്ഘാടനം ചെയ്യും. ബി.ഡി ദേവസ്സി എം.എല്‍.എ, പ്രൊഫ. കെ.യു അരുണന്‍ എം.എല്‍.എ, കൊടകര പഞ്ചായത്ത് പ്രസിഡന്റ് പി.ആര്‍ പ്രസാദന്‍ എന്നിവര്‍ മുഖ്യാതിഥികളാകും. എസ്.എന്‍.ഡി.പി യോഗം കൊടകര യൂനിയന്‍ പ്രസിഡന്റ് സുന്ദരന്‍ മൂത്തമ്പാടന്‍ അധ്യക്ഷനാകും. യൂനിയന്‍ പ്രസിഡന്റ് സുന്ദരന്‍ മൂത്തമ്പാടന്‍, സെക്രട്ടറി കെ.ആര്‍ ദിനേശന്‍, വൈസ് പ്രസിഡന്റ് വി.സി പ്രഭാകരന്‍, വനിതാ സംഘം സെക്രട്ടറി മിനി പരമേശ്വരന്‍ എന്നിവര്‍ വാര്‍ത്താ സമ്മേളനത്തില്‍ പങ്കെടുത്തു.