കൊണ്ടോട്ടി: സംസ്ഥാന ഹജ്ജ് കമ്മിറ്റിക്ക് കീഴില്‍ ഹജ്ജിന് പോകാന്‍ 23 പേര്‍ക്ക് കൂടി അവസരം ലഭിച്ചു. വെയ്റ്റിങ് ലിസ്റ്റ്റ്റില്‍ ഉള്‍പ്പെട്ട 359 മുതല്‍ 381 വരെയുള്ളവര്‍ക്കുകൂടി ഹജ്ജിന് അവസരം ലഭിക്കും.പുതുതായി തെരെഞ്ഞടുക്കപ്പെട്ട ഗ്രീന്‍കാറ്റഗറിയില്‍ പെട്ടവര്‍ 2,17,150 രൂപയും അസീസിയ കാറ്റഗറിയില്‍ പെട്ടവര്‍ 1,83,300 രൂപയും അടക്കണം. മുഴുവന്‍ വിമാനക്കൂലിയും അടക്കേണ്ടവര്‍ ഇതിനു പുറമെ 15,200രൂപയും നല്‍കണം. അപേക്ഷാ ഫോറത്തില്‍ ബലികര്‍മത്തിനുള്ള കൂപ്പണ്‍ ആവശ്യപ്പെട്ടവര്‍ 8,160 രൂപയും അധികം അടക്കണം.
പണമടച്ച് ബാങ്ക് പേ-ഇന്‍- സ്ലിപ്പിന്റെ ഹജ്ജ് കമ്മിറ്റിയുടെ കോപ്പിയും മെഡിക്കല്‍ സ്‌ക്രീനിങ് ആന്‍ഡ് ഫിറ്റ്‌നസ്സ് സര്‍ട്ടിഫിക്കറ്റും ഓഗസ്റ്റ് നാലിനകം സംസ്ഥാന ഹജ്ജ് കമ്മിറ്റിക്ക് സമര്‍പ്പിക്കണം. കൂടുതല്‍ വിവരങ്ങള്‍ക്ക് ഹജ്ജ് ട്രെയിനര്‍മാരുമായി ബന്ധപ്പെടണമെന്ന് സംസ്ഥാന ഹജ്ജ് കമ്മിറ്റി അറിയിച്ചു.