ആലപ്പുഴ: മാരാരിക്കുളം ചെത്തി കടപ്പുറത്ത് കണ്ടെത്തിയത് നാവികസേനയുടെ കടലില്‍വീണു കാണാതായ വിമാനത്തിന്റെ ഭാഗങ്ങള്‍. കൊച്ചിയില്‍ നിന്നെത്തിയ നാവികസേന അധികൃതര്‍ നടത്തിയ പരിശോധനയിലാണ് കഴിഞ്ഞദിവസം കടലില്‍വീണ വിമാനത്തിന്റെ ഭാഗങ്ങളാണ് കണ്ടെത്തിയതെന്ന് സ്ഥിരീകരിച്ചത്.
പരിശോധനയില്‍ വിമാനഭാഗങ്ങള്‍ ഇസ്‌റാഈല്‍ നിര്‍മിത വിമാനത്തിന്റെതാണെന്ന് കണ്ടെത്തിയിരുന്നു. ഇസ്‌റാഈലിലെ ഐ.എ.എ മലാറ്റ് ഡിവിഷന്‍ മിലിട്ടറി എയര്‍ക്രാഫ്റ്റ് ഇന്‍ഡസ്ട്രീസ് ലിമിറ്റഡ് നിര്‍മിച്ചതാണ് വിമാനം. 2011 മെയില്‍ പുറത്തിറക്കിയ വിമാനം ഇന്ത്യന്‍ നാവികസേനയ്ക്കായി വാങ്ങിയതാണ്.