കൊണ്ടോട്ടി: കരിപ്പൂരില്‍നിന്ന് ഇന്നുമുതല്‍ 13 വരെ ആറ് വിമാനങ്ങളില്‍ ഹജ്ജിന് പോകുന്നവരില്‍ ഭൂരിഭാഗവും സ്ത്രീകള്‍ മാത്രം.
പുരുഷ മഹ്‌റമില്ലാതെ ഹജ്ജിന് അവസരം ലഭിച്ച 1641 പേരാണ് ഇന്നും നാളേയും മറ്റന്നാളുമായുള്ള ആറു വിമാനങ്ങളിലായി ഹജ്ജിന് പോകുന്നത്. 300 പേര്‍ക്ക് സഞ്ചരിക്കാവുന്ന വിമാനത്തില്‍ മെഹ്‌റമില്ലാതെ അവസരം കൈവന്ന സ്ത്രീകള്‍ക്ക് അവസരം നല്‍കിയതിന് ശേഷമുള്ള സീറ്റുകളിലാണ് ജനറല്‍ വിഭാഗത്തിലുള്ളവര്‍ക്ക് അവസരം നല്‍കിയത്. കേരളത്തില്‍നിന്ന് ഈ വര്‍ഷം 2011 സ്ത്രീകള്‍ക്കാണ് മെഹ്‌റമില്ലാതെ അവസരം ലഭിച്ചത്.