കാലടി: ശിവരാത്രി മണപ്പുറത്ത് കര്‍കിടക വാവ് ബലിതര്‍പ്പണത്തിനുള്ള ഒരുക്കങ്ങള്‍ പൂര്‍ത്തിയായി.
കഴിഞ്ഞ വര്‍ഷത്തെ തിരക്ക് കണക്കിലെടുത്ത് ഇത്തവണ രണ്ടിടങ്ങളിലായാണ് ബലിതര്‍പ്പണത്തിന് സൗകര്യമൊരുക്കിയിരിക്കുന്നത്.
കാലടി ഭാഗത്ത് നിന്നുള്ളവര്‍ക് കാലടി ശിവരാത്രി കടവിലും പെരുമ്പാവൂര്‍ കൂവപ്പടി ഭാഗത്ത്‌നിന്നുള്ളവര്‍ക് താണിപ്പുഴ മണേലി കടവുമാണ് ബലിതര്‍പ്പണത്തിന് ഒരുക്കിയിരിക്കുന്നത്.
മണപ്പുറത്തെ മഹാദേവ ക്ഷേത്രത്തില്‍ ദര്‍ശനം നടത്തുന്നതിനായി താണിപ്പുഴ മണേലി കടവില്‍ നിന്ന് മണപ്പുറത്തേക് കടത്ത് വഞ്ചി സര്‍വീസ് ഉണ്ടായിരിക്കും.
 മണപ്പുറത്ത് ബലിതര്‍പ്പണത്തിനുള്ള സൗകര്യമൊരുക്കുന്നത് കാലടി മഹാശിവരാത്രി ആഘോഷ സമിതിയുടെ നേതൃത്വത്തിലാണ്.