സിഡ്നി: ഇന്ത്യക്കെതിരായ അവസാന ടി20യില്‍ ഓസ്ട്രേലിയക്ക് ജയം. സിഡ്നിയില്‍ നടന്ന മത്സരത്തില്‍ 12 റണ്‍സിനായിരുന്നു ഓസീസിന്റെ ജയം.

മൂന്ന് മത്സരങ്ങളുടെ പരമ്പര നേരത്തെ ഇന്ത്യ സ്വന്തമാക്കിയിരുന്നു. ടോസ് നഷ്ടപ്പെട്ട് ബാറ്റിങ്ങിന് ഇറങ്ങിയ ഓസിസ് നിശ്ചിത ഓവറില്‍ അഞ്ച് വിക്കറ്റ് നഷ്ടത്തില്‍ 186 റണ്‍സ് നേടി. മറുപടി ബാറ്റിങ്ങില്‍ ഇന്ത്യക്ക് ഏഴ് വിക്കറ്റ് നഷ്ടത്തില്‍ 174 റണ്‍സെടുക്കനാണ് സാധിച്ചത്.

നാലോവറില്‍ 34 റണ്‍സ് നേടി രണ്ടു വിക്കറ്റ് നേടിയ വാഷിങടണ്‍ സുന്ദറാണ് ഇന്ത്യന്‍ നിരയില്‍ തിളങ്ങിയത്.