കൊച്ചി: മുപ്പതോളം വനിതകള്‍ തയാറാക്കിയ ഫാഷന്‍ ഡിസൈന്‍ ഉല്‍പന്നങ്ങളുടെയും ഇന്റീരിയര്‍ ക്രാഫ്റ്റ് ഡിസൈന്‍ ഉല്‍പന്നങ്ങളുടെയും വിപണനമേളയായ സണ്‍ ബേണ്‍ ഫെസ്റ്റിന്  നാളെ തുടക്കമാകും. ഫോര്‍ട്ട് കൊച്ചി  പള്ളത്തുരാമന്‍ മെമ്മോറിയല്‍ പാര്‍ക്കില്‍ രാവിലെ പത്തിന് കെ.ജെ മാക്‌സി എം.എല്‍.എ മേള ഉദ്ഘാടനം ചെയ്യും.
രണ്ട് ദിവസങ്ങളിലായി നടക്കുന്ന മേളയില്‍ ആറോളം പ്രമുഖ ബാന്‍ഡുകളുടെ ലൈവ് പെര്‍ഫോമന്‍സും ഉണ്ടായിരിക്കും. സാംസ്‌ക്കാരിക സംഗീത വിരുന്നിനൊപ്പം അരങ്ങേറുന്ന മേളയുടെ പ്രവേശനം സൗജന്യമായിരിക്കും. വാര്‍ത്താസമ്മേളനത്തില്‍ റോബിന്‍, പ്രിയങ്ക എന്നിവര്‍ പങ്കെടുത്തു.