കോഴിക്കോട്: മുക്കത്ത് ഇതരസംസ്ഥാനക്കാര്‍ തോക്ക് ചൂണ്ടി ജ്വല്ലറി കൊള്ളയടിച്ചു. മൂന്നംഗ കവര്‍ച്ചാസംഘത്തിലെ ഒരാളെ ജീവനക്കാര്‍ സാഹസികമായി പിടികൂടി. ഓമശ്ശേരിയിലെ ശാന്തി ജ്വല്ലറിയിലാണ് രാത്രി ഏഴോടെ ജ്വല്ലറി അടയ്ക്കാന്‍ സമയത്ത് തോക്കുചൂണ്ടി കവര്‍ച്ച നടന്നത്.
രാത്രി ഏഴരയോടെ ജ്വല്ലറി അടയ്ക്കാന്‍ തുടങ്ങുന്ന സമയത്താണ് കവര്‍ച്ച നടന്നത്. തോക്കുചൂണ്ടി എല്ലാവരെയും ഭയപ്പെടുത്തി സ്വര്‍ണാഭരണങ്ങള്‍ കവരുകയായിരുന്നു. ഒരു വളയുടെ കെയ്‌സ് മുഴുവനായും കൈവശപ്പെടുത്തി ഓടിരക്ഷപ്പെടാന്‍ ശ്രമിക്കുന്നതിനിടെ സംഘത്തിലെ ഒരാളെ ജീവനക്കാര്‍ കീഴ്‌പ്പെടുത്തി. ഈ ശ്രമത്തിനിടെ ജ്വല്ലറിയിലെ ജീവനക്കാരനായ മനുവിനും മറ്റൊരാള്‍ക്കും പരുക്കേറ്റു. ഈ സമയത്തിനുള്ളില്‍ സംഘത്തിലെ മറ്റ് രണ്ടുപേര്‍ ഓടി രക്ഷപ്പെട്ടു. സ്ഥാപനത്തില്‍ നിന്ന് 15 പവനോളം കവര്‍ന്നുവെന്നാണ് പ്രാഥമിക വിവരം. അബോധാവസ്ഥയിലായ ഇയാളെ സ്ഥലത്തെത്തിയ കൊടുവള്ളി പൊലിസ് ആശുപത്രിയില്‍ പ്രവേശിപ്പിച്ചു.