മേപ്പയ്യൂര്‍: ആധ്യാത്മിക രംഗത്തെ സമഗ്ര സംഭാവനയ്ക്ക് മേപ്പയ്യൂര്‍ ശ്രീകണ്ഠമനശാലാ ക്ഷേത്ര പരിപാലന കമ്മിറ്റി ഏര്‍പ്പെടുത്തിയ പ്രഥമ ശ്രീകണ്ഠാംബിക പുരസ്‌കാരത്തിന് ആധ്യാത്മിക പ്രവര്‍ത്തകനും എഴുത്തുകാരനുമായ രഘു കല്ലൂര്‍ അര്‍ഹനായി. അഖില ഭാരത അയ്യപ്പസേവാ സംഘം കേന്ദ്ര കമ്മിറ്റി അംഗവും ശ്രീ അയ്യപ്പന്‍ മാസികയുടെ മുഖ്യ പത്രാധിപരുമാണ്. 10,001 രൂപയും പ്രശസ്തിപത്രവും ഉള്‍പ്പെടുന്ന അവാര്‍ഡ് 29ന് ക്ഷേത്രത്തില്‍ നടക്കുന്ന ചടങ്ങില്‍ ഡോ. പിയൂഷ് എം. നമ്പൂതിരിപ്പാട് സമ്മാനിക്കും. പത്മശ്രീ ജേതാക്കളായ ഗുരു ചേമഞ്ചേരി കുഞ്ഞിരാമന്‍ നായരും ശ്രീമതി മീനാക്ഷി അമ്മയും ചടങ്ങില്‍ സംബന്ധിക്കും.