റിയാദ്: സഊദി അറേബ്യയില്‍ പെട്രോള്‍, ഡീസല്‍ വില വര്‍ധിപ്പിച്ചു.
ആഗോള വിപണിക്കനുസൃതമായി ആഭ്യന്തര ഇന്ധന വിലയില്‍ മാറ്റം വരുത്തുമെന്ന നേരത്തെയുള്ള തീരുമാനത്തിന്റെ അടിസ്ഥാനത്തിലാണ് പുതിയ നടപടി.
പുതുക്കിയ നിരക്ക് പ്രകാരം 91 ഗ്രേഡ് ഡീസലിന് വില ലിറ്ററിന് 1.44 റിയാലിനു പകരം 1.53 റിയാലും 95 ഗ്രേഡ് പെട്രോളിന് 2.10 റിയാലില്‍നിന്ന് 2.18 റിയാലായും വര്‍ധിപ്പിച്ചതായി സഊദി ദേശീയ എണ്ണക്കമ്പനിയായ സഊദി അരാംകോ അറിയിച്ചു. ഇന്ധന വിലയും ജല നിരക്കുകളും പരിഷ്‌കരിക്കാനുള്ള സര്‍ക്കാര്‍ പദ്ധതിയുടെ അടിസ്ഥാനത്തിലും ആഗോള വില കണക്കിലെടുത്തുമാണ് വര്‍ധനയെന്ന് പ്രസ്താവനയില്‍ വ്യക്തമാക്കി.