ദമാം: മൂന്നര പതിറ്റാണ്ടിലധികം നീണ്ട പ്രവാസജീവിതത്തിന് വിരാമമിട്ട് നാട്ടിലേയ്ക്ക് മടങ്ങുന്ന നവയുഗം ദമാം സിറ്റി മേഖല കമ്മിറ്റി വൈസ് പ്രസിഡന്റ്  സൈഫുദ്ദീന് കണിയാപുരത്തിനു  നവയുഗം സാംസ്‌ക്കാരികവേദി യാത്രയയപ്പ് നല്‍കി. സിറ്റി മേഖല കമ്മിറ്റി  പ്രസിഡന്റ് ഗോപകുമാറിന്റെ അദ്ധ്യക്ഷതയില്‍ ചേര്‍ന്ന യാത്രയയപ്പ് യോഗത്തില്‍ വെച്ച്, നവയുഗം കേന്ദ്രരക്ഷാധികാരി ഷാജി മതിലകം സൈഫുദ്ദീന് നവയുഗത്തിന്റെ ഉപഹാരം കൈമാറി.  

കേന്ദ്രകമ്മിറ്റി പ്രസിഡന്റ് ബെന്‍സി മോഹന്‍.ജി, കേന്ദ്രനേതാക്കളായ സാജന്‍ കണിയാപുരം, ഉണ്ണി പൂച്ചെടിയല്‍, ഹനീഫ വെളിയംകോട്, മിനി ഷാജി, സുമി ശ്രീലാല്‍, നിസ്സാം കൊല്ലം, ശ്രീലാല്‍ എന്നിവര്‍ ആശംസകള്‍ അര്‍പ്പിച്ചു സംസാരിച്ചു.

ചടങ്ങിന് നവയുഗം ദമ്മാം സിറ്റിമേഖല സെക്രട്ടറി ശ്രീകുമാര്‍ വെള്ളല്ലൂര്‍ സ്വാഗതവും, മേഖല വൈസ് പ്രസിഡന്റ് സലാം നന്ദിയും പറഞ്ഞു. തിരുവനന്തപുരം കണിയാപുരം സ്വദേശിയായ സൈഫുദീന്‍ 1981ലാണ്  പ്രവാസിയായി സഊദി അറേബ്യയില്‍ എത്തിയത്.