തിരുവനന്തപുരം: തുല്യതയ്ക്കും സാമൂഹ്യനീതിക്കും സ്വാതന്ത്ര്യത്തിനും വേണ്ടി പോരാടുന്നവരുടെ കൈയില്‍ ആശയങ്ങളാണ് വേണ്ടത്, ആയുധങ്ങളല്ലെന്ന് ഭരണപരിഷ്‌കരണ കമ്മിഷന്‍ ചെയര്‍മാന്‍ വി.എസ് അച്യുദാനന്ദന്‍ ഫേസ്ബുക്ക് പേജില്‍ കുറിച്ചു.
ആശയങ്ങളുടെ ആയുധമണിയേണ്ട വിദ്യാര്‍ഥി പ്രസ്ഥാനം കഠാരയും കുറുവടിയുമായി കാംപസുകളില്‍ വിലസുന്നുണ്ടെങ്കില്‍ അടിത്തറയില്‍ എന്തോ പ്രശ്‌നമുണ്ട്. അതു പരിഹരിക്കപ്പെടുന്നില്ലെങ്കില്‍ പ്രസ്ഥാനത്തിന് ഏറെക്കാലം നിലനില്‍പ്പുണ്ടാകില്ല. ഈ തിരിച്ചറിവ് നേതൃത്വത്തിനാണ് നഷ്ടപ്പെടുന്നതെങ്കില്‍ അവരെ കര്‍ശനമായി തിരുത്താന്‍ വിദ്യാര്‍ഥി സമൂഹം മുന്നോട്ടുവന്നേ തീരൂ എന്നും വി.എസ് വ്യക്തമാക്കി.