കൊണ്ടോട്ടി: സംസ്ഥാന സ്‌കൂള്‍ നീന്തല്‍ ചാംപ്യന്‍ഷിപ്പില്‍ കൂടുതല്‍ വിദ്യാര്‍ഥികള്‍ കൊട്ടുക്കരയില്‍ നിന്ന്. സബ്ജൂനിയര്‍, ജൂനിയര്‍, സീനിയര്‍ വിഭാഗങ്ങളിലായി 26 പേരാണ് സംസ്ഥാന മത്സരത്തില്‍ പങ്കെടുക്കുന്നത്. കഴിഞ്ഞ വര്‍ഷം സ്‌കൂളില്‍നിന്ന് 22 കുട്ടികള്‍ പങ്കെടുത്തിരുന്നു. ഫ്രീസ്റ്റല്‍, ബ്രസ്റ്റ് സ്‌റ്റോക്ക്, ബാക്ക് സ്‌ട്രോക്ക്, ബട്ടര്‍ ഫ്‌ളൈ സ്റ്റയില്‍ ഇനങ്ങളില്‍ കൊട്ടുക്കര ആധിപത്യം പുലര്‍ത്തുന്നുണ്ട്. മഞ്ചേരിയില്‍ നടന്ന റവന്യൂജില്ലാ സ്‌കൂള്‍ നീന്തല്‍ ചാംപ്യന്‍ഷിപ്പിലാണ് കൊട്ടുക്കര പി.പി.എം ഹയര്‍സെക്കന്‍ഡറി സ്‌കൂളിലെ വിദ്യാര്‍ഥികള്‍ സംസ്ഥാന തലത്തിലേക്ക് നീന്തിക്കയറിയത്.