മൂവാറ്റുപുഴ: എവറസ്റ്റ് ജങ്ഷന്‍ കാവുംങ്കര മാര്‍ക്കറ്റ് ബസ്സ്റ്റാന്റ് റോഡ് നവീകരണത്തിന് പൊതുമരാമത്ത് വകുപ്പില്‍ നിന്നും ഒരു കോടി രൂപ അനുവദിച്ചതായി എല്‍ദോ എബ്രഹാം എം.എല്‍.എ പറഞ്ഞു. ബി.എം ബി.സി നിലവാരത്തിലാണ് റോഡ് ടാര്‍ചെയ്യുന്നത്.
റോഡിന്റെ ഇരുവശങ്ങളിലേയും ഓടകളും നവീകരിക്കും. കോതമംഗലംമൂവാറ്റുപുഴ റോഡിലെ എവറസ്റ്റ് ജംഗ്ഷനില്‍ നിന്നും ആരംഭിച്ച് കാവുംങ്കര മാര്‍ക്കറ്റ് ബസ്റ്റാന്റ് വരെയുള്ള ഭാഗമാണ് റോഡ് നവീകരിക്കുന്നത്. മൂവാറ്റുപുഴയിലെ അതിപുരാതന റോഡുകളിലൊന്നാണിത്.