സൂറത്ത്: മോദിയെന്ന് പേരുള്ളവരെല്ലാം അഴിമതിക്കാരാണെന്ന പരാമര്‍ശം ഈ പേരുള്ളവരെ അപകീര്‍ത്തിപ്പെടുത്തുന്നുവെന്നാരോപിച്ച് ബി.ജെ.പി എം.എല്‍.എ പൂര്‍ണേഷ് മോദി, നല്‍കിയ കേസില്‍ നേരിട്ട് ഹാജരാകുന്നതില്‍ നിന്ന് രാഹുല്‍ ഗാന്ധി ഇളവ് നല്‍കി കോടതി ഉത്തരവ്. സൂറത്തിലെ കോടതിയാണ് കേസില്‍ രാഹുല്‍ നേരിട്ട് ഹാജരാകുന്നത് വേണ്ടതില്ലെന്ന് നിര്‍ദേശിച്ചത്.
ഇന്നലെ കേസ് പരിഗണിച്ചെങ്കിലും അടുത്ത വിചാരണ ഒക്ടോബര്‍ 10ലേക്ക് മാറ്റി.
കര്‍ണാടകയിലെ കോലാറില്‍ തെരഞ്ഞെടുപ്പ് റാലിയില്‍ രാഹുല്‍ ഗാന്ധി നടത്തിയ പരാമര്‍ശമാണ് അപകീര്‍ത്തികരമെന്ന് പൂര്‍ണേഷ് മോദി പറഞ്ഞു.
നീരവ് മോദി, ലളിത് മോദി, നരേന്ദ്രമോദി തുടങ്ങിയവരെല്ലാം അഴിമതിക്കാരാണെന്നായിരുന്നു രാഹുലിന്റെ പരാമര്‍ശം. മോദിയെന്ന് പേരുള്ളവരെയെല്ലാം അത് അപകീര്‍ത്തിപ്പെടുത്തുന്നുവെന്നാണ് പൂര്‍ണേഷ് ഹരജിയില്‍ ചൂണ്ടിക്കാട്ടിയത്.