തിരുവനന്തപുരം: കണ്‍സ്യൂമര്‍ഫെഡ് എംപ്ലോയീസ് അസോസിയേഷന്‍ (ഐ.എന്‍.ടി.യു.സി) സംസ്ഥാന സമ്മേളനം നാളെ അധ്യാപക ഭവനില്‍ നടക്കും. കെ.മുരളീധരന്‍ എം.എല്‍.എ ഉദ്ഘാടനം ചെയ്യുമെന്ന് ജനറല്‍ സെക്രട്ടറി ആര്‍. പ്രദീപ് വാര്‍ത്താസമ്മേളനത്തില്‍ അറിയിച്ചു.
തിരുവനന്തപുരം ഡി.സി.സി പ്രസിഡന്റ് നെയ്യാറ്റിന്‍കര സനല്‍ മുഖ്യപ്രഭാഷണം നടത്തും.'സഹകരണമേഖലയും കണ്‍സ്യൂമര്‍ഫെഡും' എന്ന വിഷയത്തിലെ സെമിനാര്‍ കണ്‍സ്യൂമര്‍ഫെഡ് അഡ്മിനിസ്‌ട്രേറ്റീവ് കമ്മിറ്റി കണ്‍വീനര്‍ എം. മെഹബൂബും 'സഹകരണമേഖലയില്‍ തൊഴിലാളികള്‍ നേരിടുന്ന വെല്ലുവിളികള്‍' എന്ന വിഷയത്തിലെ സെമിനാര്‍ ഡോ. ശൂരനാട് രാജശേഖരനും ഉദ്ഘാടനം ചെയ്യും. സമ്മേളനത്തോടനുബന്ധിച്ച് പ്രതിനിധി സമ്മേളനവും സംഘടനാ ചര്‍ച്ചയും കണ്‍സ്യൂമര്‍ഫെഡില്‍ നിന്ന് പിരിഞ്ഞുപോകുന്ന സംഘടനയില്‍പെട്ട ജീവനക്കാര്‍ക്ക് യാത്രയയപ്പ് ചടങ്ങും ഉണ്ടാകുമെന്ന് അദ്ദേഹം പറഞ്ഞു.