കാസര്‍കോട്: വേനല്‍ക്കാലം മാറി മഴക്കാലം ആരംഭിക്കുന്നതോടെ പകര്‍ച്ച വ്യാധികള്‍ക്കു സാധ്യതയേറി. ജൂണ്‍-ജൂലൈ മാസങ്ങളില്‍ പകര്‍ച്ചപ്പനി, ഡെങ്കിപ്പനി, വൈറല്‍ ഫീവര്‍, എലിപ്പനി എന്നിവയ്ക്കും അതിസാരം, മഞ്ഞപ്പിത്തം എന്നിവയ്ക്കും സാധ്യതയുണ്ട്. ഈ സാഹചര്യം മുന്നില്‍ കണ്ടു ജില്ലയില്‍ ആരോഗ്യവകുപ്പ് ബോധവല്‍ക്കരണ പ്രവര്‍ത്തനങ്ങള്‍ ആരംഭിച്ചു.
രോഗപ്രതിരോധ ശക്തി നല്‍കുന്നതിനുള്ള മരുന്നുകള്‍ ജില്ലയിലെ എല്ലാ ആയുര്‍വേദ ആശുപത്രികളിലും ലഭിക്കും. ആവശ്യമുള്ള സ്ഥലങ്ങളില്‍ മെഡിക്കല്‍ ക്യാംപും ബോധവല്‍ക്കരണ ക്ലാസുകളും നടത്തുവാന്‍ ജില്ലയിലെ ആയുഷ് വകുപ്പിന്റെ ടാസ്‌ക് ഫോഴ്‌സ് ജില്ലാ കണ്‍വീനര്‍ ഡോ. എസ് . വിജയ (9446335938), ഉത്തരമേഖലാ കണ്‍വീനര്‍ ഡോ. മഹേഷ് (9447010136), ദക്ഷിണമേഖലാ കണ്‍വീനര്‍ ഡോ. പ്രമോദ് (9447488573) എന്നിവരുമായി ബന്ധപ്പെടണമെന്ന് ബന്ധപ്പെട്ടവര്‍ അറിയിച്ചു.