ഗൂഡല്ലൂര്‍: പശുക്കളെ പുലി കടിച്ചു കൊന്നു. മഞ്ചൂര്‍ എടക്കാട് സ്വദേശി സതീഷ്‌കുമാറിന്റെ പശുവിനെയും കുട്ടിയെയുമാണ് പുലി കടിച്ചു കൊന്നത്. കഴിഞ്ഞദിവസം വീടിന് സമീപത്തെ വനത്തില്‍ മേയുന്നതിനിടെയാണ് പശുക്കളെ പുലി ആക്രമിച്ചത്. വിവരമറിഞ്ഞ് റെയ്ഞ്ചര്‍ രാമചന്ദ്രന്‍, ഡോ. പ്രഭു എന്നിവര്‍ സ്ഥലത്തെത്തി പരിശോധന നടത്തി. പുലിയുടെ സാന്നിധ്യ സ്ഥിരീകരിച്ചതോടെ പ്രദേശവാസികള്‍ ഭീതിയിലാണ്. പുലിയെ കൂടുവച്ച് പിടികൂടണമെന്നാണ് നാട്ടുകാരുടെ ആവശ്യം.