പട്ടാമ്പി: ഒന്നാംവിള നെല്‍കൃഷി ഇറക്കേണ്ട സമയത്ത് കൃഷിഭവനില്‍നിന്ന് വിത്ത് ലഭിക്കാത്തതിനാല്‍ ദുരിതമനുഭവിക്കുകയാണ് പരുതൂരിലെ നെല്‍കൃഷിക്കാര്‍. തെക്കേകുന്ന് പരുതൂര്‍ പാടശേഖരസമിതികളിലെ കര്‍ഷകര്‍ക്കാണ് ഇതുവരെയും വിത്ത് ലഭിക്കാത്തത്.
വിത്ത് ലഭിക്കാത്തതിനാല്‍ ഞാറ് മുളപ്പിക്കാന്‍ കഴിയാത്ത സ്ഥിതിയിലാണ് കര്‍ഷകര്‍. ഏപ്രില്‍ 20 ന് വിത്ത് ലഭിക്കുമെന്ന് ആദ്യം അറിയിച്ചെങ്കിലും നടപ്പായില്ല.
എന്നാല്‍ മെയ് 20 നുള്ളില്‍ വിത്ത് വിതരണം ചെയ്യുമെന്ന് കൃഷിഓഫീസര്‍ അറിയിച്ചെങ്കിലും നടപ്പായില്ലെന്ന് കര്‍ഷകര്‍ പറയുന്നു.
അത്  കൊണ്ട് തന്നെ വിത്ത് വിതരണം അടിയന്തിരമായി നടത്തണമെന്ന ആവശ്യം ഇതിനകം തന്നെ ഉയര്‍ന്നിട്ടുണ്ട്.