പള്ളിക്കല്‍: തേഞ്ഞിപ്പലം പൊലിസിന്റെ ആഭിമുഖ്യത്തില്‍ സ്‌റ്റേഷന്‍ പരിധിയിലെ സ്‌കൂള്‍ ട്രിപ്പെടുക്കുന്ന വാഹനങ്ങളിലെ ഡ്രൈവര്‍മാര്‍ക്ക് ബോധവല്‍ക്കരണ ക്ലാസ് നടത്തി. എസ്.ഐ പി വിഷ്ണു ക്ലാസെടുത്തു. ഓട്ടോറിക്ഷയുള്‍പ്പെടെ സ്‌കൂള്‍ ട്രിപ്പെടുക്കുന്ന മുഴുവന്‍ വാഹനങ്ങളും വാഹനത്തിന്റെ രേഖകളും ഡ്രൈവര്‍മാരുടെ ലൈസന്‍സും പൊലിസ് സ്റ്റേഷനില്‍ ഹാജരാക്കി രജിസ്റ്റര്‍ ചെയ്യണമെന്നും പൊലിസ് നല്‍കുന്ന സ്റ്റിക്കര്‍ വാഹനത്തില്‍ പതിക്കണമെന്നും എസ്.ഐ ഡ്രൈവര്‍മാര്‍ക്ക് നിര്‍ദേശം നല്‍കി. അമിതമായി വിദ്യാര്‍ഥികളെ കയറ്റിപ്പോകുന്ന വാഹനങ്ങളുടെ പേരില്‍ കര്‍ശന നടപടി സ്വീകരിക്കുമെന്നും എസ്.ഐ മുന്നറിയിപ്പ് നല്‍കി. ക്ലാസിന് എ.എസ്.ഐ സുബ്രന്‍, സി.പി.ഒ മാരായ സുബൈര്‍, കെ സുധ നേതൃത്വം നല്‍കി.