ആറ്റിങ്ങല്‍: അഡ്വ.സി.മോഹനചന്ദ്രന്റെ രണ്ടാം ചരമവാര്‍ഷിക ദിനത്തോടനുബന്ധിച്ച് അനുസ്മരണവും പുഷ്പാര്‍ച്ചനയും നടന്നു. മുന്‍ മുഖ്യമന്ത്രി ഉമ്മന്‍ചാണ്ടിയുടെ നേതൃത്വത്തിലായിരുന്നു പുഷ്പാര്‍ച്ചന. മികച്ച സംഘാടകനും ജനകീയ സമരങ്ങളുടെ നേതൃനായകനുമായിരുന്നു അഡ്വ.സി.മോഹനചന്ദ്രനെന്ന് ഉമ്മന്‍ചാണ്ടി അനുസ്മരിച്ചു. യൂത്ത് കോണ്‍ഗ്രസാണ് അനുസ്മരണവും പുഷ്പാര്‍ച്ചനയും സംഘടിപ്പിച്ചത്. മോഹനചന്ദ്രന്റെ കുടുംബാംഗങ്ങളെ സന്ദര്‍ശിച്ച ശേഷമാണ് ഉമ്മന്‍ചാണ്ടി മടങ്ങിയത്. എം.എ.ലത്തീഫ്, ചിറയിന്‍കീഴ് ബ്ലോക്ക് പഞ്ചായത്ത് പ്രതിപക്ഷ നേതാവ് ഇളമ്പ ഉണ്ണികൃഷ്ണന്‍, ജോസ് നിക്കോളാസ്, അജയരാജ്, മഞ്ജുപ്രദീപ് സംസാരിച്ചു.