വാഷിങ്ടണ്‍: യു.എസ് നാവികസേനയുടെ ഇ.പി-3 ഏരിയസ് 2 വിമാനത്തെ അന്താരാഷ്ട്ര വ്യോമമേഖലയില്‍ വച്ച് വെനസ്വേലയുടെ യുദ്ധവിമാനം ആക്രമണോല്‍സുകമായി തടഞ്ഞതായി അമേരിക്ക. വെള്ളിയാഴ്ചയാണ് സംഭവം നടന്നതെന്ന് യു.എസ് സൈന്യം വെളിപ്പെടുത്തി.
വെനസ്വേല സൈന്യത്തിലെ രഹസ്യാന്വേഷണവിഭാഗത്തിലെ നാലു മുതിര്‍ന്ന ഉദ്യോഗസ്ഥര്‍ക്ക് യു.എസ് ഉപരോധമേര്‍പ്പെടുത്തുന്നതായി ട്രംപ് ഭരണകൂടം പ്രഖ്യാപിച്ച ഉടനെയായിരുന്നു ഇത്. കരീബിയന്‍ കടലിനു മുകളില്‍ വച്ച് റഷ്യന്‍ നിര്‍മിത യുദ്ധവിമാനം സുരക്ഷിതമല്ലാത്ത അകലത്തില്‍ വച്ച് തങ്ങളുടെ വിമാനത്തിനു മുന്നില്‍ വന്നെന്നാണ് യു.എസ് വെളിപ്പെടുത്തല്‍. നിക്കോളാസ് മദ്യൂറോ ഭരണകൂടത്തിന് റഷ്യ നല്‍കുന്ന സൈനികസഹായമാണ് ഇതിനു കാരണമായതെന്നും യു.എസ് സേന ആരോപിച്ചു.