റാംപൂര്‍: യോഗി ആദിത്യനാഥിന്റെ ഉത്തര്‍പ്രദേശില്‍ സ്ത്രീകള്‍ക്കെതിരായ അതിക്രമങ്ങള്‍ തുടര്‍ക്കഥയാവുന്നു. രാംപുര്‍ ജില്ലയില്‍ പട്ടാപ്പകല്‍ നടുറോഡില്‍വെച്ച് രണ്ടു സ്ത്രീകളെ സംഘം ആക്രമിക്കുന്നതിന്റെ ദൃശ്യങ്ങള്‍ പുറത്തുവന്നു. 14 പേരടങ്ങുന്ന സംഘമാണ് സ്ത്രീകളെ ആക്രമിച്ചത്. ഇതിന്റെ ദൃശ്യങ്ങള്‍ പ്രതികള്‍ തന്നെയാണ്‍ സോഷ്യല്‍മീഡിയയിലൂടെ പ്രചരിപ്പിച്ചതും.

സംഭവത്തിലെ മുഖ്യപ്രതിയെ പൊലിസ് അറസ്റ്റ് ചെയ്തിട്ടുണ്ട്. മറ്റുള്ളവരെ പിടികൂടാനായി ശ്രമം ആരംഭിച്ചിട്ടുണ്ട്.

സംഘം പെണ്‍കുട്ടികളെ റോഡില്‍ തടഞ്ഞുനിര്‍ത്തി ശരീര ഭാഗങ്ങളില്‍ സ്പര്‍ശിക്കുന്നതും മോശമായി പെരുമാറുന്നതുമാണ് ദൃശ്യങ്ങളിലുള്ളത്.