റിയാദ്: ചെങ്കടലിൽ മൈൻ പൊട്ടിത്തെറിച്ച് ചരക്ക് കപ്പലിന് കേട് പാടുകൾ സംഭവിച്ചു. അറബ് സഖ്യ സേനയെ ഉദ്ധരിച്ചു അൽ ഇഖ്ബാരിയ ചാനലാണ് സംഭവം റിപ്പോർട്ട് ചെയ്തത്. സ്ഫോടനത്തിൽ കപ്പലിന് കേടുപാടുകൾ സംഭവിക്കുകയും ചെയ്തിട്ടുണ്ട്. എന്നാൽ, ഇത് നിസാരമാണെന്നും ജീവനക്കാർക്ക് പരിക്കേട്ടിട്ടില്ലെന്നുമാണ് റിപ്പോർട്ടുകൾ.

      ഇറാൻ പിന്തുണയുള്ള ഹൂത്തി മലീശികൾ തെക്കൻ ചെങ്കടലിലും ബാബ് അൽ മന്ദാബ് കടലിടുക്കിലും കടൽ മൈനുകൾ വിതറുകയും ഇത് അന്താരാഷ്ട്ര കപ്പൽ സഞ്ചാരത്തിനും ആഗോള വ്യാപാരത്തിനും ഗുരുതരമായ ഭീഷണിയാണെന്നും അറബ് സഖ്യ സേന അറിയിച്ചു. അതേസമയം, ഏത് രാജ്യത്തിന്റെ കപ്പലാണെന്നോ കപ്പലിലെ ചരക്കുകൾ എന്താണെന്നോ വ്യക്തമല്ല.