നെയ്യാറ്റിന്‍കര: ആറാലുംമൂട് പൂജാനഗറില്‍ ഇരുവിഭാഗങ്ങള്‍ തമ്മിലുണ്ടായ ഏറ്റുമുട്ടലില്‍ നാലു പേര്‍ക്ക് പരുക്കേറ്റു. ഒരാളുടെ നില ഗുരുതരം.
ഇന്നലെ വൈകുന്നേരം പുന്നയ്ക്കാട് ജങ്ഷനില്‍ ഡി.വൈ.എഫ്.ഐ പ്രവര്‍ത്തകര്‍ പഠനോപകരണ വിതരണ പരിപാടി സംഘടിപ്പിച്ചിരുന്നു. ഈ പരിപാടിയില്‍ പ ങ്കെടുത്തവരില്‍ ചിലര്‍ വാഹനത്തില്‍ പെട്രോള്‍ ഒഴിക്കുന്നതിന് ബാലരാമപുരത്ത് പോയ് വരുന്ന വഴിയാണ് ആറാലുംമൂട്ടിലുളളവരുമായി ഏറ്റുമുട്ടിയത്.
സംഘട്ടനത്തില്‍ നെയ്യാറ്റിന്‍കര സ്വദേശി സുജിത്തിന് (36) കാലിന് വെട്ടേറ്റു. പരുക്ക് ഗുരുതരമായതിനാല്‍ നെയ്യാറ്റിന്‍കര ജനറല്‍ ആശുപത്രിയില്‍ മെഡിക്കല്‍ കോളേജ് ആശുപത്രിയിലേക്ക് മാറ്റി. മനു (26), പ്രസാദ് (27) , അനൂപ് (23) തുടങ്ങിയവര്‍ക്കും പരുക്കേറ്റു. ഇവര്‍ നെയ്യാറ്റിന്‍കര ജനറല്‍ ആശുപത്രിയില്‍ ചികിത്സയിലാണ്. നെയ്യാറ്റിന്‍കര പൊലിസ് കേസെടുത്തു.