ഗൂഡല്ലൂര്‍: മാവോയിസ്റ്റ് ഭീഷണിയുടെ അടിസ്ഥാനത്തില്‍ കേരള-തമിഴ്‌നാട് അതിര്‍ത്തിയില്‍ മുതുമല വനമേഖലയില്‍ പൊലിസും തമിഴ്‌നാട് ദൗത്യസേനയും പരിശോധന നടത്തി. ഗൂഡല്ലൂര്‍ ഡിവൈ.എസ്.പി ശ്രീനിവാസലു, ദേവാല ഡിവൈ.എസ്.പി ശക്തിവേലു, സി.ഐ ഓംപ്രകാശ്, വിജയന്‍, മഹേഷ് എന്നിവരുടെ നേതൃത്വത്തിലുള്ള സംഘമാണ് പരിശോധന നടത്തിയത്. രണ്ടു സംഘങ്ങളായി കാര്‍ക്കുടി, പാട്ടവയല്‍ മേഖലകളിലെ വനത്തിലാണ് പരിശോധന നടത്തിയത്. വനമേഖലയിലെ കോളനികളിലെത്തിയ അധികൃതര്‍ അപരിചിതരെ കണ്ടാല്‍ പൊലിസിനെ അറിയിക്കണമെന്ന് നിര്‍ദേശം നല്‍കിയിട്ടുണ്ട്.