കടാങ്കോട്: മഹല്ല് മുസ്‌ലിം ജമാഅത്ത് കമ്മിറ്റിയുടെയും യു.എ.ഇ ചാപ്റ്ററിന്റെയും സംയുക്താഭിമുഖ്യത്തില്‍ വിദ്യാര്‍ഥികള്‍ക്ക് ഉപഹാരം നല്‍കി. കടാങ്കോട് നൂറുല്‍ ഇസ്‌ലാം മദ്‌റസയിലെ സമസ്ത ഏഴാംക്ലാസ് പൊതുപരീക്ഷയില്‍ സംസ്ഥാനത്ത് നാലും ജില്ലയില്‍ ഒന്നും റാങ്കുകള്‍ നേടിയ ഫാതിമ സ്വഫയെയും പത്താംക്ലാസില്‍ റെയ്ഞ്ച് തലത്തില്‍ ഉയര്‍ന്ന മാര്‍ക്ക് നേടിയ ടി.വി സഫിയയെയും സ്വര്‍ണമെഡല്‍ നല്‍കി അനുമോദിച്ചു. മാണിയൂര്‍ അബ്ദുറഹ്മാന്‍ ഫൈസി ഉദ്ഘാടനം ചെയ്തു. വി.പി മുഹമ്മദ്കുട്ടി ഹാജി അധ്യക്ഷനായി. എം അബ്ദുല്‍ അസീസ്, കെ.വി നാസര്‍ എന്നിവര്‍ അവാര്‍ഡ് ദാനം നിര്‍വഹിച്ചു. ലത്തീഫ് എടവച്ചാല്‍, അഷ്‌റഫ് മൗലവി, എ അസീസ് സംസാരിച്ചു.