തിരൂരങ്ങാടി: 56 പേര്‍ കൊല്ലപ്പെട്ട 2008ലെ അഹമ്മദാബാദ് സ്‌ഫോടനക്കേസുമായി ബന്ധപ്പെട്ട് ഗുജറാത്ത് ക്രൈംബ്രാഞ്ച് അറസ്റ്റ് ചെയ്ത മലപ്പുറം കൊടിഞ്ഞി സ്വദേശി പൊറ്റാണിക്കല്‍ ശുഐബിനെ കൊടിഞ്ഞിയിലെ വീട്ടില്‍ കൊണ്ടുവന്നു തെളിവെടുപ്പ് നടത്തി.
കാലത്ത് പതിനൊന്നോടെ കൊടിഞ്ഞി ഫാറൂഖ് നഗറിലെ വീട്ടിലെത്തിച്ചായിരുന്നു തെളിവെടുപ്പ്. ബന്ധുക്കളെ കുറിച്ച് ചോദിച്ചറിയുകയും വീട് പരിശോധന നടത്തുകയും ചെയ്തു. ഒരു മണിക്കൂറോളം നീണ്ട പരിശോധനക്ക് ശേഷം ശുഐബിനെ മലപ്പുറത്തേക്ക് കൊണ്ടുപോയി. അഹമ്മദാബാദ് ക്രൈംബ്രാഞ്ച് പൊലിസ് ഓഫിസര്‍ ഡോ.രാജ്ദില്‍ ചൗളയുടെ നേതൃത്വത്തിലാണ് സംഘം തെളിവെടുപ്പിനെത്തിയത്. ഇതിനായി കൊടിഞ്ഞിയില്‍ വലിയ പൊലിസ് സന്നാഹവും ഏര്‍പ്പെടുത്തിയിരുന്നു. കോഴിക്കോട് വിമാനത്താവളത്തില്‍വച്ച് കഴിഞ്ഞ 22നാണ് ശുഐബ് അറസ്റ്റിലായത്.