ഡല്‍ഹി: ഡല്‍ഹിയില്‍ ബസിലിടിച്ച് ഓട്ടോറിക്ഷ തലകീഴായി മറിഞ്ഞ രണ്ടു വയസുകാരി മരിച്ചു. അപക
ത്തില്‍ ഒരേ കുടുംബത്തിലെ മൂന്നു പേര്‍ക്ക് പരുക്കേറ്റിട്ടുണ്ട്. കഴിഞ്ഞ ദിവസം തെക്കു കിഴക്ക് ഡല്‍ഹിയില്‍ ഷെയ്ക് സറായിയിലായിരുന്നു അപകടം.

കുല്‍ദീപും തന്റെ ഭാര്യയും രണ്ടു മകളുമൊന്നിച്ച് ഓട്ടോയില്‍ ആനന്ദ് വിഹാര്‍ ബസ് ടെര്‍മിനലിലേക്ക് യാത്ര ചെയ്യുകയായിരുന്നു. രണ്ടു വയസുകാരിയായ പൂര്‍വിയാണ് മരിച്ചത്. ഓട്ടോ അമിത വേഗതയിലായിരുന്നുവെന്ന് പൊലിസ് പറഞ്ഞു. നിയന്ത്രണം വിട്ട ഓട്ടോ ബസിന്റെ വലതുഭാഗത്തിടിച്ച് മറിയുകയായിരുന്നു. ഡ്രൈവറടക്കം അഞ്ചു പേരാണ് ഓട്ടോയിലുണ്ടായിരുന്നത്. പരുക്കേറ്റവരെ സമീപത്തെ ആശുപത്രിയില്‍ പ്രവേശിപ്പിച്ചു. ആരുടെയും പരുക്ക് ഗുരുതരമല്ല.