പാറ്റ്‌ന: കനത്ത മഴയോടൊപ്പമുള്ള മിന്നലും കാറ്റും കാരണം ബിഹാറില്‍ 29 പേര്‍ മരിച്ചു. വ്യത്യസ്ത സ്ഥലങ്ങളിലെ അപകടങ്ങളിലായാണ് ഇത്രയും മരണമെന്ന് ദുരന്ത നിവാരണ വകുപ്പ് അഡീഷണല്‍ സെക്രട്ടറി അനിരുദ്ധ് കുമാര്‍ പറഞ്ഞു.

മരിച്ചവരുടെ കുടുംബങ്ങള്‍ക്ക് നാലു ലക്ഷം രൂപ വീതവും പരുക്കേറ്റവര്‍ക്ക് സൗജന്യ ചികിത്സയും ബിഹാര്‍ സര്‍ക്കാര്‍ പ്രഖ്യാപിച്ചിട്ടുണ്ട്.

വിവിധ ജില്ലകൡലായി മിന്നലേറ്റു മരിച്ചത് 18 പേരാണ്. കനത്ത കാറ്റിനെത്തുടര്‍ന്ന് ചമ്പാരന്‍ ജില്ലയില്‍ മതിലിടിച്ച് അഞ്ചു പേര്‍ മരിച്ചു. നാലു പേര്‍ ജാമുവിലും മറ്റൊരാള്‍ പടിഞ്ഞാറന്‍ ചമ്പാരനിലുമാണ് മരിച്ചത്.