കൊല്ലം: റമദാനില്‍ പാണക്കാട് ഉമറലി ശിഹാബ് തങ്ങള്‍ റിലീഫ് ആന്റ് എയ്ഡ് വെഞ്ചര്‍(ഉറവ്) ന്റെ കാരുണ്യ പ്രവര്‍ത്തനം വിപുലമായ രീതിയില്‍ സംഘടിപ്പിക്കാന്‍ എസ്.വൈ.എസ് ജില്ലാ സെക്രട്ടറിയേറ്റ് യോഗം തീരുമാനിച്ചു. പ്രസിഡന്റ് അബ്ദുല്‍ വാഹിദ്  ദാരിമി അധ്യക്ഷത വഹിച്ചു. സംസ്ഥാന സെക്രട്ടറിയേറ്റ് മെമ്പര്‍ എസ് അഹമ്മദ് ഉഖൈല്‍ ഉദ്ഘാടനം ചെയ്തു. നോമ്പ് കാലത്ത് പൂര്‍ണമായും ഗ്രീന്‍പ്രോട്ടോകോള്‍ നടപ്പാക്കാന്‍ ജമാഅത്ത്, പള്ളി, മദ്‌റസ കമ്മിറ്റികളോടും സംഘടനകളോടും യോഗം ആവശ്യപ്പെട്ടു.
മദ്‌റസാ സമയമാറ്റത്തില്‍ നിന്ന് പിന്‍മാറിയ സര്‍ക്കാര്‍ തീരുമാനത്തെ യോഗം അഭിനന്ദിക്കുകയും അറബിക് സര്‍വകലാശാല ഉടന്‍ യാഥാര്‍ഥ്യമാക്കണമെന്ന് ആവശ്യപ്പെടുകയും ചെയ്തു.