കോയമ്പത്തൂര്‍: റെയ്ഞ്ച് നിലവില്‍വന്ന് 31 വര്‍ഷങ്ങള്‍ പിന്നിടുമ്പോള്‍ കോയമ്പത്തൂര്‍ ജില്ലയിലെ സമസ്തയുടെ പ്രവര്‍ത്തനങ്ങള്‍ കൂടുതല്‍ മേഖലകളിലേക്കെത്തുന്നു. എസ്.വൈ.എസ് ജില്ലാകമ്മിറ്റിയും അഞ്ച് മണ്ഡലം കമ്മിറ്റികളും എസ്.കെ.എസ്.എസ്.എഫ് ജില്ലാകമ്മിറ്റിയും സംയുക്തമായി സമസ്ത പ്രവര്‍ത്തകരുടെ മഹാസംഗമം നടത്തി.  മൗലവി അല്‍ഹാജ് എം.എച്ച് അബുല്‍ ഹസന്‍ ബാഖവിയുടെ അധ്യക്ഷതയില്‍ നടന്ന പരിപാടിയില്‍ ഒരേ മദ്‌റസയില്‍ 35 വര്‍ഷം തുടര്‍ച്ചയായി സേവനമനുഷ്ഠിച്ച അധ്യാപകര്‍ക്കുള്ള അവാര്‍ഡ് വിതരണവും 2016ലെ ഏഴാം ക്ലാസ് പൊതുപരീക്ഷയില്‍ മികച്ച വിജയം കൈവരിച്ച വിദ്യാര്‍ഥിനിക്കുള്ള അവാര്‍ഡ് വിതരണവും നടന്നു.
സയ്യിദ് അബ്ദുറഹ്മാന്‍ ജിഫ്‌രി തങ്ങള്‍ ഉദ്ഘാടനം ചെയ്തു. ചടങ്ങില്‍ സംഘടനാ ഭാരവാഹികളെയും 100 ഓളം ജമാഅത്ത് ഭാരവാഹികളെയും ആദരിച്ചു. സമസ്ത മുഫത്തിശ് ഖാജാ ദാരിമി തൂത, ടി.പി അബൂബക്കര്‍ മുസ്‌ലിയാര്‍, തമിഴ്‌നാട് ഓര്‍ഗനൈസര്‍ കെ.എച്ച്.എ നാസര്‍, ഖാഇദേ മില്ലത്ത് അക്കാദമി പ്രസിഡന്റ് എം.എ റഷീദ്(മഞ്ചേരി) സംസാരിച്ചു. എസ്.വൈ.എസ്.ജില്ലാ പ്രസിഡന്റ് എന്‍.എ അബ്ദുല്‍ കരീം ഇംദാദി സ്വാഗതവും എസ്.കെ.എസ്.എസ്.എഫ് ജില്ലാ പ്രസിഡന്റ് എം.അബൂത്വാഹിര്‍ ഇംദാദി നന്ദിയും പറഞ്ഞു.