കൈപ്പമംഗലം: ചെന്ത്രാപ്പിന്നി കണ്ണനാംകുളത്ത് കുടുംബശ്രീയുടെ ചായക്കട കത്തി നശിച്ചു.
എടത്തിരുത്തി ഏഴാം വാര്‍ഡിലെ കൃഷ്ണകൃപ കുടുംബശ്രീയുടെ നേതൃത്വത്തില്‍ നടത്തിവരുന്ന ചായക്കടയാണ് കത്തി നശിച്ചത്. വെള്ളിയാഴ്ച പുലര്‍ച്ചെ അഞ്ചിന് ചായക്കട തുറക്കാനെത്തിയ സീനത്ത് പള്ളിപ്പറമ്പിലാണ് കട കത്തിയ നിലയില്‍ കണ്ടത്.
ഓല കൊണ്ട് കെട്ടിയുണ്ടാക്കിയ കടയുടെ മുന്‍വശത്തെ ടാര്‍പോളിന്‍ പൂര്‍ണമായും കത്തി നശിച്ചു. കഴിഞ്ഞ ദിവസം പരിസരവാസിയായ ഏറാക്കല്‍ സുരേഷ് കട കത്തിക്കുമെന്ന് ഭീഷണിപ്പെടുത്തിയതായി സീനത്ത് പൊലിസില്‍ മൊഴി നല്‍കിയിട്ടുണ്ട്.