മക്ക: വിശുദ്ധ റമദാന്‍ തുടങ്ങിയതോടെ വിശ്വാസി ലക്ഷങ്ങളാല്‍ ജനനിബിഢമായ മക്കയിലെയും പരിസരങ്ങളിലെയും സുരക്ഷ കുറ്റമറ്റതാക്കാന്‍ ഇത്തവണ ഒന്‍പത് ഹെലികോപ്ടറുകള്‍. അത്യാധുനിക സൗകര്യങ്ങളോടു കൂടിയ ഹെലികോപ്ടറുകളാണ് ഇവിടെ സുരക്ഷക്കായി  ആകാശത്ത് റോന്തുചുറ്റുന്നത്.
മസ്ജിദുല്‍ ഹറാമിന് ചുറ്റും നിരീക്ഷണത്തില്‍ ഏര്‍പ്പെട്ടിരിക്കുന്ന ഹെലിക്കോപ്റ്ററുകളില്‍നിന്നു സദാ സമയവും കണ്‍ട്രോള്‍ റൂമിലേക്ക് നിര്‍ദേശങ്ങള്‍ അയക്കാന്‍ സാധിക്കുമെന്നതിനൊപ്പം അത്യാഹിത ഘട്ടങ്ങളില്‍ ഇടപെട്ട് ആളുകളെ രക്ഷപ്പെടുത്താനുള്ള മുഴുവന്‍ മെഡിക്കല്‍ സജ്ജീകരണങ്ങളും ഇവയില്‍ ലഭ്യമാക്കിയിട്ടുണ്ടണ്ട്.
മതിയായ സുരക്ഷാ മുന്‍കരുതലുകളുമായാണ് ഇവ മക്കയുടെ ആകാശത്ത് വട്ടമിടുന്നതെന്ന് ഏവിയേഷന്‍  സെക്യൂരിറ്റി കമാണ്ടന്‍ഡര്‍ മേജര്‍ ജനറല്‍ മുഹമ്മദ് ബിന്‍ ഈദ് അല്‍ ഹര്‍ബി പറഞ്ഞു. മക്ക ഗ്രാന്‍ഡ് മസ്ജിദും പരിസരങ്ങളും കൂടാതെ ഇവിടേക്കുള്ള പ്രധാന പാതയായ ജിദ്ദ-മക്ക അതിവേഗ പാതയിലും ഇവയുടെ സേവനം ലഭ്യമാകും.