ഡല്‍ഹി: ഡല്‍ഹിയില്‍ കാര്‍ ഓടിക്കുന്നതിനിടെ തീപിടിച്ച് ഒരാള്‍ മരിച്ചു. വടക്കുപടിഞ്ഞാറന്‍ ഡല്‍ഹിയിലെ പിറ്റംപുരയില്‍ മധുഭന്‍ ചൗക്കിനടുത്ത് വെള്ളിയാഴ്ച രാവിലെ 10.30നാണ് സംഭവം.

തങ്ങള്‍ക്ക് 10.40ന് ഒരു ഫോണ്‍ കാള്‍ വന്നതിന്റെ അടിസ്ഥാനത്തില്‍ സ്ഥലത്തെത്തിയപ്പോള്‍ കത്തുന്ന കാറിനുള്ളില്‍ ഒരാള്‍ കുടുങ്ങിക്കിടക്കുന്നതായാണ് കണ്ടതെന്ന് അഗ്നിശമന സേനാംഗം പറഞ്ഞു. മഹിന്ദ്ര എക്‌സ്.യു.വി 500 കാറാണ് കത്തിയമര്‍ന്നത്.

തീയണക്കാനും അകത്ത് കുടുങ്ങിയ ആളെ രക്ഷിക്കാനും രണ്ട് ഫയര്‍ എന്‍ജിനുകള്‍ അയച്ചിരുന്നു. എന്നാല്‍ ഇവ എത്തുമ്പോഴേക്കും കാര്‍ പൂര്‍ണമായും കത്തിനശിച്ചിരുന്നു. അതേസമയം മരിച്ചയാളുടെ വിവരങ്ങള്‍ പൊലിസ് ഇതുവരെ പുറത്തുവിട്ടിട്ടില്ല.