താമരശേരി: മാനവ സ്‌നേഹവും കാരുണ്യവുമാണ് വിശുദ്ധ ഖുര്‍ആനിന്റെ സന്ദേശമെന്നും വര്‍ത്തമാന കാല സമസ്യകള്‍ക്കുള്ള പരിഹാരം ഖുര്‍ആനില്‍ അടങ്ങിയിട്ടു ണ്ടെണ്ടന്നും സമസ്ത മുശാവറ അംഗം വാവാട് പി.കെ കുഞ്ഞിക്കോയ മുസ്‌ലിയാര്‍ പറഞ്ഞു.
'വിശുദ്ധ ഖുര്‍ആന്‍ വിളിക്കുന്നു' എന്ന പ്രമേയത്തില്‍ താമരശേരി പഞ്ചായത്ത് മുസ്‌ലിം യൂത്ത് ലീഗ് കമ്മിറ്റി ആചരിക്കുന്ന റമദാന്‍ കാംപയിനിന്റെ ഭാഗമായുള്ള ഖുര്‍ആന്‍ പാരായണ പരിശീലന ക്ലാസ് രാജീവ് ഗാന്ധി ഓഡിറ്റോറിയത്തില്‍ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
പഞ്ചായത്ത് യൂത്ത് ലീഗ് പ്രസിഡന്റണ്ട് സുബൈര്‍ വെഴുപ്പൂര്‍ അധ്യക്ഷനായി. കാംപയിന്‍ പ്രഖ്യാപനം മുന്‍ എം.എല്‍.എ. സി. മോയിന്‍കുട്ടിയും തീര്‍ഥാടക സംഗമം വി.എം ഉമര്‍ മാസ്റ്ററും നിര്‍വഹിച്ചു. ഖുര്‍ആന്‍ പഠന ക്ലാസിന് ഹാഫിള് ഫൈസല്‍ ഫൈസിയും ഹജ്ജ് ക്ലാസിന് മുത്തു അബ്ദുസ്സലാമും നേതൃത്വം നല്‍കി.
പി.പി ഹാഫിസ് റഹിമാന്‍, എം. സുല്‍ഫീക്കര്‍, അഷ്‌റഫ് കോരങ്ങാട്, ഷംസീര്‍ എടവലം, ഇഖ്ബാല്‍ പൂക്കോട്, പി.കെ ഹസന്‍ ഫാസില്‍, കെ.സി ഷാജഹാന്‍, ജലീല്‍ തച്ചംപൊയില്‍, റാഫി ഈര്‍പ്പോണ, ഒ.കെ റാഷിദ് സംസാരിച്ചു.
ജനറല്‍ സെക്രട്ടറി എം.ടി അയ്യൂബ് ഖാന്‍ സ്വാഗതവും നിയാസ് ഇല്ലിപ്പറമ്പില്‍ നന്ദിയും പറഞ്ഞു. ഖുര്‍ആന്‍ പാരായണ പഠന ക്ലാസ് ശനി, ഞായര്‍ ദിവസങ്ങളില്‍ രാവിലെ 9.30 മുതല്‍ നടക്കും.