കോയമ്പത്തൂര്‍: കോയമ്പത്തൂരില്‍ വാഹനാപകടത്തില്‍ കാറും ലോറിയും കൂട്ടിയിടിച്ച് അഞ്ചുപേര്‍ മരിച്ചു. മരിച്ചവരില്‍ ഒരാള്‍ മലയാളിയാണ്. കാര്‍ ഓടിച്ചിരുന്ന മുഹമ്മദ് ബാസിറാണ് മരിച്ച മലയാളി.
നാലുപേര്‍ ഒഡിഷ സ്വദേശികളും. പാലക്കാട് നിന്നും കന്യാകുമാരിയിലേക്കു പോകുകയായിരുന്ന കേരള രജിസ്‌ട്രേഷന്‍ നമ്പരുള്ള കാറാണ് അപകടത്തില്‍പെട്ടത്. മരിച്ചവരെല്ലാം കാറിലുണ്ടായിരുന്നവരാണ്.
പാലക്കാട് പട്ടാമ്പിക്കടുത്ത വല്ലപ്പുഴ സ്വദേശിയാണ് കാറോടിച്ചിരുന്നത്. ഇന്നു പുലര്‍ച്ചെ അഞ്ചുമണിയോടെയായിരുന്നു അപകടം. പാലക്കാട് നിന്ന് കന്യാകുമാരിയിലേക്കു പോകുകയായിരുന്നു സംഘമെന്നു പറയുന്നു. വാഹനത്തിലുണ്ടായിരുന്ന യാത്രക്കാര്‍ നിര്‍മാണ മേഖലയിലെ തൊഴിലാളികളാണ്.