ന്യൂഡല്‍ഹി: സ്വിമ്മിങ് പൂളില്‍ വീണ സഹപ്രവര്‍ത്തകയെ രക്ഷിക്കാന്‍ ശ്രമിക്കുന്നതിനിടെയില്‍ ഐ.എ.എസ് ട്രെയിനി മുങ്ങിമരിച്ചു. ഡല്‍ഹി ബേര്‍ സരായിയിലെ ഫോറിന്‍ ക്ലബ് ഇന്‍സ്റ്റിറ്റ്യൂട്ടില്‍ ഇന്നലെ രാത്രിയാണ് സംഭവം നടന്നത്.

ഹരിയാനയിലെ സോനിപ്പത്ത് സ്വദേശിയായ ആശിഷ് ദഹിയ(30) ആണ് മരിച്ചത്.

പാര്‍ട്ടിയ്ക്കിടെ ആശിഷും സുഹൃത്തുക്കളും പൂളില്‍ നീന്താന്‍ എത്തുകയും പൂളിനു സമീപം നിന്ന യുവതി കാല്‍ വഴുതി വെള്ളത്തിലേക്ക് വീഴുകയുമായിരുന്നു. ഇവരെ രക്ഷിക്കാനായി ആശിഷും സുഹൃത്തും വെള്ളത്തിലേക്ക് ചാടി. എന്നാല്‍ വനിതയെ രക്ഷിച്ച ശേഷമാണ് ആശിഷിനെ കാണാനില്ലെന്ന് സുഹൃത്തുക്കള്‍ക്ക് വ്യക്തമായത്.

പിന്നീട് നടത്തിയ തെരച്ചിലിലില്‍ ആശിഷിനെ കണ്ടെത്തി ആശുപത്രിയിലെത്തിച്ചെങ്കിലും രക്ഷിക്കാനായില്ല.