മ്യൂണിക്ക്: ഹോക്കി വേള്‍ഡ് ലീഗ് സെമിഫൈനില്‍ മുന്നോടിയായി ഇന്ത്യ സന്ദര്‍ശന മത്സരം കളിക്കും. ജര്‍മനിക്കെതിരേ നാളെയാണ് ഇന്ത്യയുടെ ആദ്യ മത്സരം. രണ്ടു മത്സരങ്ങളാണ് ജര്‍മനിക്കെതിരേയുള്ളത്. പിന്നീട് ബെല്‍ജിയത്തിനെതിരേ രണ്ടു മത്സരങ്ങളുണ്ട്.
ഇതിനു ശേഷം ടൂര്‍ണമെന്റിനായി ബ്രിട്ടനിലേക്ക് യാത്രതിരിക്കും. അര്‍ജന്റീന, ബ്രിട്ടന്‍ ടീമുകള്‍ക്കെതിരേ സന്നാഹമത്സരവും തുടര്‍ന്നുണ്ടാകും. ജൂണ്‍ 15ന് സ്‌കോട്‌ലന്‍ഡിനെതിരേയാണ് ഇന്ത്യയുടെ ആദ്യ മത്സരം. കാനഡ, പാകിസ്താന്‍, ഹോളണ്ട് തുടങ്ങിയ ടീമുകള്‍ക്കെതിരേയാണ് ഗ്രൂപ്പ് ഘട്ടത്തില്‍ ഇന്ത്യയുടെ പോരാട്ടങ്ങള്‍.