തിരൂരങ്ങാടി: അനധികൃതമായി മണല്‍ കടത്തിയ കേസില്‍ രണ്ടുപേരെ പൊലിസ് അറസ്റ്റ് ചെയ്തു.
പന്താരങ്ങാടി പതിനാറുങ്ങല്‍ ചട്ടിക്കല്‍ അബ്ദുല്‍സലാം(30), പന്താരങ്ങാടി ചെമ്മലപ്പാറ ശിഹാബ്(33) എന്നിവരെയാണ് തിരൂരങ്ങാടി പൊലിസ് അറസ്റ്റ് ചെയ്തത്.
കഴിഞ്ഞദിവസം പുലര്‍ച്ചെ വെഞ്ചാലിയില്‍ വെച്ച് ഷിഹാബിനെയും മണല്‍ ലോറിയും കസ്റ്റഡിയിലെടുത്തിരുന്നു. വാഹനം ഓടിച്ചിരുന്ന അബ്ദുസലാം ഇറങ്ങി ഓടി രക്ഷപ്പെട്ടിരുന്നെങ്കിലും ഇന്നലെ തിരൂരങ്ങാടി സ്വകാര്യ ആശുപത്രി കോംപൗണ്ടില്‍ വെച്ച് പിടികൂടുകയായിരുന്നു എന്ന് പൊലിസ് പറഞ്ഞു. പ്രതികളെ കോടതി റിമാന്‍ഡ് ചെയ്തു.