കാട്ടാമ്പള്ളി: പുതിയതെരു-മയ്യില്‍ റോഡില്‍ കാട്ടാമ്പള്ളി പാലത്തിന് മുകളില്‍ സ്ഥപിച്ച ഹാലജന്‍ തെരുവ് വിളക്ക് തൂങ്ങിയാടുന്നു. കാല്‍നട യാത്രക്കാര്‍ ഉള്‍പ്പെടെയുള്ളവര്‍ക്ക് ഭീഷണിയായിരിക്കുകയാണ് വിളക്ക്. അപകടകരമായ നിലയില്‍ തൂങ്ങി കിടക്കാന്‍ തുടങ്ങിയിട്ട് മാസങ്ങളായെങ്കിലും ഇതുവരെ അധികൃതരാരും തിരിഞ്ഞു നോക്കുന്നില്ലെന്നാണ് നാട്ടുകാര്‍ പരാതിപ്പെടുന്നത്.
നിരവധി ബൈക്ക് യാത്രക്കാരും കാല്‍നടയാത്രക്കാരും ഇതുവഴി കടന്നു പോകുന്നുണ്ട്. രാത്രിയെന്നോ പകലെന്നോ വ്യത്യാസമില്ലാതെ പാലത്തിന് മുകളില്‍ മീന്‍പിടിക്കാന്‍ എത്തുന്നതും നിരവധി പേരാണ്. അപകട ഭീഷണി ഉയര്‍ത്തുന്ന തെരുവ് വിളക്ക് അടിയന്തിരമായി മാറ്റി സ്ഥാപിക്കണമെന്നാണ് നാട്ടുകാരുടെ ആവശ്യം.