കിനാലൂര്‍: പനങ്ങാട് പഞ്ചായത്തിലെ കിനാലൂര്‍ വില്ലേജ് ഓഫിസില്‍ മാസങ്ങളായി ഒഴിഞ്ഞ് കിടക്കുന്ന വില്ലേജ് ഓഫിസറുടെ ഒഴിവ് നികത്തി ജനങ്ങളുടെ ബുദ്ധിമുട്ട് അവസാനിപ്പിക്കാന്‍ ബന്ധപ്പെട്ടവര്‍ തയാറാകണമെന്ന് പനങ്ങാട് പഞ്ചായത്ത് മുസ്‌ലിം ലീഗ് കമ്മിറ്റി ആവശ്യപ്പെട്ടു. ജൂണ്‍ രണ്ടിന് രാവിലെ പത്ത് മണിക്ക് മുസ്‌ലിം ലീഗ് വില്ലേജ് ഓഫിസിലേക്ക് പ്രസ്തുത വിഷയം ചൂണ്ടികാട്ടി മാര്‍ച്ചും ധര്‍ണ്ണയും സംഘടിപ്പിക്കും.
 യോഗത്തില്‍ പ്രസിഡന്റ് എന്‍. അബ്ദുറഹ്മാന്‍ കുട്ടി അധ്യക്ഷനായി. നിയോജക മണ്ഡലം മുസ്‌ലിം ലീഗ് സെക്രട്ടറി ശുക്കൂര്‍ തയ്യില്‍ ഉദ്ഘാടനം ചെയ്തു. കെ. ആലിമാസ്റ്റര്‍, ഇ.പി അബ്ദുല്‍ ലത്തീഫ് മാസ്റ്റര്‍, പി. മൊയ്തീന്‍, കെ. അബൂബക്കര്‍ ഹാജി, മുജീബ് എം.കെ ,മുഹമ്മദ് ഷാഫി, ഷംസീര്‍ ആശാരിക്കല്‍, അബ്ബാസ് മങ്കയം സംസാരിച്ചു.
ജനറല്‍ സെക്രട്ടറി ഷാനവാസ് കുറുമ്പൊയില്‍ സ്വാഗതവും ഫൈസല്‍ എടവന നന്ദിയും പറഞ്ഞു.