ന്യൂഡല്‍ഹി: ഡോക്ടര്‍മാര്‍ നാളെ (ബുധനാഴ്ച്ച) രാജ്യ വ്യാപകമായി പണിമുടക്കും. ദേശീയ മെഡിക്കല്‍ കമ്മീഷണ്‍ ബില്‍ ലോക്‌സഭയില്‍ പാസാക്കിയതില്‍ പ്രതിഷേധിച്ചാണ് ഡോക്ടര്‍മാരുടെ സംഘടനയായ ഇന്ത്യന്‍ മെഡിക്കല്‍ അസോസിയേഷന്‍ രാജ്യവ്യാപകമായി പണിമുടക്കിന് ആഹ്വാനം ചെയ്തത്.
നാളെ രാവിലെ ആറു മുതല്‍ 24 മണിക്കൂറാണ് സമരം. സര്‍ക്കാര്‍ സ്വകാര്യ മേഖലയിലെ മുഴുവന്‍ ഡോക്ടര്‍മാരും പണിമുടക്കില്‍ പങ്കെടുക്കും. അത്യാഹിതം, തീവ്രപരിചരണം, ശസ്ത്രക്രിയ വിഭാഗങ്ങള്‍ സമരത്തില്‍ നിന്നും ഒഴിവാക്കിയിട്ടുണ്ട്.