ഇരിട്ടി: ആറളം ഫാമിലെ പ്ലാന്റേഷന്‍ തൊഴിലാളികളെ കാര്‍ഷിക മേഖലയിലെ തൊഴിലാളികളായി അംഗീകരിച്ച് സേവന വ്യവസ്ഥകള്‍ അനുവദിക്കണമെന്നാവശ്യപ്പെട്ട് പ്ലാന്റേഷന്‍ തൊഴിലാളികള്‍ 23 ദിവസമായി നടത്തിവരുന്ന സമരത്തിന് അനുഭാവം പ്രകടിപ്പിച്ച് ഫാമിലെ മുഴുവന്‍ തൊഴിലാളികളും ഇന്നലെ പണിമുടക്കി.
ഇന്നലെത്തെ സമരം സി.ഐ.ടി.യു ജില്ലാ സെക്രട്ടറി എന്‍.വി ചന്ദ്രബാബു ഉദ്ഘാടനം ചെയ്യ്തു. കെ. വേലായുധന്‍ അധ്യക്ഷനായി.
കെ.ടി ജോസ്, അഡ്വ. ബിനോയി കുര്യന്‍, കെ.കെ ജനാര്‍ധനന്‍, കെ.ബി ഉത്തമന്‍, വി. ഷാജി സംസാരിച്ചു. സമരം ഒത്തുതീര്‍പ്പാക്കുന്നതിനായി മാനേജ്‌മെന്റ് തൊഴിലാളി യൂനിയന്‍ പ്രതിനിധികളുമായി നടത്തിയ രണ്ടാംവട്ട ചര്‍ച്ചയും പരാജയപ്പെട്ടതിനെ തുടര്‍ന്നാണ് ഇന്നലെ മുഴുവന്‍ തൊഴിലാളികളും പണിമുടക്കി സമരം ചെയ്തത്.