ജിദ്ദ: ഹജ്ജാജി സേവനം സൗദിയിലെ പടിഞ്ഞാറന്‍ പ്രവിശ്യയിലുള്ളവര്‍ക്ക് മാത്രം ലഭിക്കുന്ന അസുലഭ അവസരമാണെന്നും ലോകത്തിന്റെ അഷ്ടദിക്കുകളില്‍ നിന്നുമെത്തുന്ന ഭാഷ, ദേശ, വര്‍ഗ്ഗ, വര്‍ണ്ണ വ്യത്യാസമില്ലാതെ ഹജ്ജാജിമാരെ സേവിക്കാന്‍ കിട്ടുന്ന അസുലഭ അവസരം അല്ലാഹുവിന്റെ മാര്‍ഗത്തില്‍ ത്യാഗനിര്‍ഭരമായ മനസ്സോടെയും അര്‍പ്പണ മനോഭാവത്തോടെയും വിനിയോഗിക്കണമെന്നും പ്രഭാഷകനുമായ അന്‍വര്‍ മുഹിയുദ്ധീന്‍ ഹുദവി. ജിദ്ദ മലപ്പുറം ജില്ലാ കെഎംസിസി നടത്തിയ ഹജജ് വളണ്ടിയര്‍ പരിശീലന സംഗമത്തില്‍ ഉത്‌ബോധന പ്രസംഗം നടത്തുകയായിരുന്നു അദ്ദേഹം.
'ഉത്തമ സേവനത്തിന് ഉദാത്ത മാതൃക' എന്ന മഹത്തായ സന്ദേശം ഉയര്‍ത്തിപ്പിടിച്ച് കൊണ്ട് ജിദ്ധ സെന്‍ട്രല്‍ കമ്മിറ്റി ഓഡിറ്റോറ്റയത്തില്‍ വെച്ച് നടത്തിയ വളണ്ടിയര്‍ പരിശീലന സംഗമം തികഞ്ഞ അച്ചടക്കം കൊണ്ടും വളണ്ടിയര്‍മാരുടെ സാന്നിദ്ധ്യം കൊണ്ടും പ്രൗഡഗംഭീരമായി.

മലപ്പുറം ജില്ലാ പ്രസിഡന്റ് ഗഫൂര്‍ പട്ടിക്കാട് മുഖ്യ പ്രഭാഷണം നടത്തി. ജിദ്ദ കെഎംസിസി സെന്‍ട്രല്‍ കമ്മിറ്റി പ്രസിഡന്റ് അഹമ്മദ് പാളയാട്ട്, ഖത്തര്‍ കെഎംസിസി സംസ്ഥാന ട്രഷറര്‍ കെ.പി മുഹമ്മദലി, ജില്ല ചെയര്‍മാന്‍ ബാബു നഹ്ദി എന്നിവര്‍ പ്രസംഗിച്ചു. നാഷണല്‍ സെക്രട്ടറിയേറ്റ് അംഗംങ്ങളായ നാസര്‍ വെളിയങ്കോട്, മജീദ് പുകയൂര്‍, സെന്‍ട്രല്‍ കമ്മിറ്റി ഭാരവാഹികളായ റസാഖ് മാസ്റ്റര്‍, വി.പി മുസ്തഫ, ഇസ്മാഈല്‍ മുണ്ടക്കുളം, എ.കെ ബാവ, ലത്തീഫ് മുസ്ലിയാരങ്ങാടി, നാസര്‍ മച്ചിങ്ങല്‍, ഇസ്ഹാഖ് പൂണ്ടോളി, ഷൗക്കത്ത് ഞാറക്കോടന്‍ തുടങ്ങിയവര്‍ ചടങ്ങില്‍ സംബന്ധിച്ചു.

സഊദി ഹജജ് സെല്‍ ജനറല്‍ ക്യാപ്റ്റന്‍ ഉമ്മര്‍ അരിപ്പാമ്പ്ര, ക്യാപ്റ്റന്‍ വി.പി ഉനൈസ്, ജിദ്ദ ഹജജ് സെല്‍ ജനറല്‍ ക്യാപ്റ്റന്‍ ശിഹാബ് താമരക്കുളം, നിസാര്‍ മടവൂര്‍ എന്നിവര്‍ വളണ്ടിയര്‍മാര്‍ക്ക് വിവിധ വിഷയങ്ങളില്‍ മാര്‍ഗ്ഗ നിര്‍ദ്ദേശങ്ങള്‍ നല്‍കി. ജില്ല കമ്മിറ്റി ഭാരവാഹികളായ നാസര്‍ കാടാമ്പുഴ, അബ്ബാസ് വേങ്ങൂര്‍, ജലാല്‍ തേഞ്ഞിപ്പലം, സാബില്‍ മമ്പാട്, വി.വി അഷ്‌റഫ്, ഗഫൂര്‍ മങ്കട തുടങ്ങിയവര്‍ പരിപാടിക്ക് നേതൃത്വം നല്‍കി. മലപ്പുറം ജില്ലാ ഹജജ് സെല്‍ ചെയര്‍മാന്‍ മജീദ് അരിമ്പ്ര അദ്ധ്യക്ഷത വഹിച്ച സംഗമത്തില്‍ ജംഷീര്‍ കെ.വി ഖിറാഅത്ത് നടത്തി. ജില്ലാ ജനറല്‍ സെക്രട്ടറി ഹബീബ് കല്ലന്‍ സ്വാഗതവും ജില്ലാ ഹജജ് സെല്‍ കണ്‍വീനര്‍ ഗഫൂര്‍ ചേലേമ്പ്ര നന്ദിയും പറഞ്ഞു.