വാടാനപ്പള്ളി: നവതിയുടെ നിറവിലെത്തിയ സ്വാതന്ത്ര്യ സമര സേനാനിയും നാട്ടിക മണപ്പുറത്തെ രാഷ്ട്രീയ സാമൂഹിക രംഗത്തെ പ്രമുഖനുമായ സി.കെ.ജി വൈദ്യരെ കോണ്‍ഗ്രസ് നാട്ടിക ബ്ലോക്ക് കമ്മിറ്റി വസതിയിലെത്തി ആദരിച്ചു. കെ.പി.സി.സി പ്രസിഡന്റ് വി.എം സുധീരന്‍ ചടങ്ങ് ഉദ്ഘാടനം ചെയ്തു.
നാട്ടികയില്‍ നടന്ന വിദ്യാര്‍ഥി പ്രക്ഷോഭത്തിന്റെ പേരില്‍ സി.കെ.ജിക്കൊപ്പം താന്‍ ഉള്‍പ്പെടെ 16 പേര്‍ അറസ്റ്റിലായ സംഭവം സുധീരന്‍ അനുസ്മരിച്ചു. സി.കെ.ജി വൈദ്യര്‍ക്ക് ഉപഹാരം സമ്മാനിച്ച് സുധീരന്‍ സി.കെ.ജിയുടെ കാല്‍തൊട്ട് വന്ദിച്ചു.
കോണ്‍ഗ്രസ് നാട്ടിക ബ്ലോക്ക് പ്രസിഡന്റ് കെ.ദിലീപ് കുമാര്‍ അധ്യക്ഷനായി. ഡി.സി.സി വൈസ് പ്രസിഡന്റ് ജോസ് വള്ളൂര്‍, നാട്ടിക ഗ്രാമപഞ്ചായത്ത് പ്രസിഡന്റ് പി.വിനു, കെ.പി.സി.സി അംഗം ശിവന്‍ കണ്ണോളി സംസാരിച്ചു.