അഗര്‍ത്തല: ത്രിപുരയിലെ സി.പി.എം മുഖപത്രമായ ഡെയ്‌ലി ദേശര്‍ കഥയുടെ രജിസ്‌ട്രേഷന്‍ റദ്ദാക്കിയ ഉത്തരവ് ഹൈക്കോടതി സ്റ്റേ ചെയ്തു. ഇന്ന് മുതല്‍ പത്രത്തിന്റെ അച്ചടി പുനരാരംഭിക്കും. പത്രത്തിനെതിരായ നടപടിക്കു പിന്നില്‍ ബി.ജെ.പി-ഐ.പി.എഫ്.ടി സഖ്യസര്‍ക്കാരാണെന്ന് സി.പി.എം ആരോപിച്ചിരുന്നു.
പശ്ചിമ ത്രിപുര ജില്ലാ മജിസ്‌ട്രേട്ടിന്റെ വിധിയുടെ അടിസ്ഥാനത്തില്‍ പത്രത്തിന്റെ രജിസ്‌ട്രേഷന്‍ റദ്ദാക്കുന്നുവെന്ന് കഴിഞ്ഞ ദിവസമാണ് രജിസ്ട്രാര്‍ ഓഫ് ന്യൂസ്‌പേപ്പേഴ്‌സ് ഇന്ത്യ നല്‍കിയ കത്തില്‍ അറിയിച്ചിരുന്നത്. ഇതിനെതിരേ പത്രം ഹൈക്കോടതിയെ സമീപിച്ചു. ചീഫ് ജസ്റ്റിസ് അജയ് കുമാര്‍ രസ്‌തോഗിയാണ് അനുകൂല വിധി പ്രസ്താവിച്ചത്. പത്രം ഇന്ന് മുതല്‍ അച്ചടി പുനരാരംഭിക്കുമെന്ന് പത്രത്തിന്റെ മുന്‍ എഡിറ്ററും ദേശര്‍കഥ സൊസൈറ്റി സെക്രട്ടറിയമുമായ ഗൗതം ഗാസ് പറഞ്ഞു. ഈ മാസം ഒന്നിനാണ് അച്ചടി തടഞ്ഞത്.