അന്തിക്കാട്: തൃശൂര്‍ - പൊന്നാനി സമഗ്ര കോള്‍ വികസന പദ്ധതി പ്രകാരം അന്തിക്കാട് പാടശേഖരത്തിലെ കോള്‍ നിലമുള്ള നെല്‍കര്‍ഷകര്‍ക്ക് സൗജന്യമായി വി.എഫ്.പി.സികെയുടെ ഇടവിള കിറ്റുകള്‍ വിതരണം ചെയ്തു. വിതരണോദ്ഘാടനം അന്തിക്കാട് ഗ്രാമപഞ്ചായത്ത് പ്രസിഡന്റ് കെ.എം കിഷോര്‍ കുമാര്‍ നിര്‍വഹിച്ചു. പാടശേഖര സമിതി പ്രസിഡന്റ് എം.ജി സുഗുണദാസ് അധ്യക്ഷനായി. കൃഷി അസിസ്റ്റന്റ് ഡയറക്ടര്‍ വി.ആര്‍ നരേന്ദ്രന്‍ പദ്ധതി വിശദീകരണം നടത്തി. പാടശേഖര സമിതി സെക്രട്ടറി വി.കെ വിനോദന്‍, അന്തിക്കാട് കൃഷി ഓഫിസര്‍ എ.ടി ഗ്രേസി, കൃഷി അസിസ്റ്റന്റ് ഓഫീസര്‍ ഷംനാസ് ഷെറീഫ് എന്നിവര്‍ പ്രസംഗിച്ചു. ഇഞ്ചി, മഞ്ഞള്‍, ചേന, ചേമ്പ് അടങ്ങുന്ന കിറ്റുകളാണ് വിതരണം ചെയ്തത്.